النوع الاول
اسمه انا مش هتحرك
اللي هو اول ما يلاقي اعلان يقولك ممكن المحاضرة تتصور
النوع التاني
اسمه (بتاع الينك )
اي محاضرة ممكن تنزل لينك
النوع التالت
عمي المشغول دايما
للاسف معنديش اي وقت خالص جدولي كله مشغول واي وقت بالنسبالو حتي لو اجازه بردو هيكون عنده شغل وفي الغالب دا بيكون اصلا مش بيشتغل اي حاجه
النوع الرابع
الرايق
بيقرا اول سطر من البوست ويسال في تفاصيل لو تعب نفسه شويه كان قراء الاجابه في نفس البوسط بعد سطر واحد
النوع الخامس
مافيش حاجه بتيجي بساهل
اللي هو عشان تكون محاسب خبرة يبقا لازم تشتغل 12سنه متوصله في شركة واحده ويشتغل علي قيد واحد من ح مصروفات ادريه …..الي ح الصندوق خلال 12سنه عشان يثبت انه خبرة
النوع السادس
اذكي اخواته
دا حاطط مواد الجامعه مرجع ليه و طالما الكتاب بتاع الجامعه في حساب المتاجرة يبقا لازم نشرح متاجرة وناسي ان التعليم في مصر اثبت فشله من ابتدائي لحد الدكتوراه وان الواقع النظري و الجامعه مالهاش اي علاقه بالواقع العملي
النوع السابع
بتاع الشهادات
قبل ما يعرف الكورس عبارة عن ايه يقولك في شهادة خبرة ومعتمدة منيين ولو قولتلو في شهادة دوليه من الصين الغربيه برعاية نادي سموحه هتلقيه حضر معاك
النوع التامن
الحفيظ
دا بتاع المعلومات وعارف كل حاجه ماعدا السؤال اللي بتقول عليه دلوقتي بتاع كنت فاكرة بس نسيت انا عارف الاجابه بس مش متذكرة
النوع التاسع
المحبط
يعني انا هتعلم ليه مالوش اي لازمة كدا كدا مافيش شغل وعمري ما هتعلم
النوع العاشر
السلبي
دا بقا استاذ في تعقيد الناس وبكرا بالنسبالو اسود وان هو لو في دوله بتقدر كان عامل حاجات كتير
دي كلها انماط سلبيه وطبعا محسوبه من ضمن الناس اللي اتخرجت من تجارة عشان كدا احنا كتير
ولكن النوع التاني اللي هو بيحب يتعلم ويجرب ويشوف ويتعب عشان يقصر الطريق علي نفسه وعارف ان مجهوده عائد ليه تاني حتي لو بعد حين
ويقولك اجرب مش هاخسر حاجه
اروح الانترفيو اشوفهم بيقولو ايه
اروح المحاضرة المجانيه لو مكسبتش اي حاجه يبقا غيرت مكان او حتي يمكن اعرف حد جديد