١-المحاسب حديث التخرج بياخد وقت طويل في التعليم ونسبة الاخطاء بتوصل الي 80% وميقدرش يشيل شغل كامل وكل المعلومات بالنسبة له مسلمات دون تفكير ان كانت صح او خطاء وفي حالة استمرارة في العمل يصبح خبرة بعد سنتين علي الاقل ولكن ليس خبرة بالمعني المعروف فيمكن ان يكون خبرة في اليومية الامريكيه او في حساب واحد فقط من حسابات الشركه مثل حساب استاذ عملاء او موردين او بنوك …….. فيكون مجمل خبرته في حساب واحد بالاضافه انه مش بيكون ملم ولا متاسس صح في الماليه وطبعا دا انا شوفت منه كتير في الشغل او الكورسات او حتي بعض معارفي
٢-المحاسب الخبرة عن طريق الدراسه والعمل
هو من البدايه بيكون دارس وعرف حاجات كتيرة قبل ما يشتغل يعني عرف يوجه القيود عرف يعني ايه شركه ويعني ايه تاسيس شركه ،مخصص،شيكات،اهلاكات،مبادي،صندوق،يومية امريكية ،استاذ مساعد ،ميزان مراجعه ، قوائم ماليه ولما ييجي يشتغل هيتعلم بسرعه لان كل تفكيرة بيكون متوجه صح وكمان اتاسس مظبوط جدا
عشان كدا ساعات كتير تلاقي محاسب عام او مدير مالي سنه اصغر بكتير من المحاسبين اللي في الشركه دا ناتج عن الدراسه والعلم والتطبيق